Nordic Golf League: Axel bestur Íslendinganna e. 1. dag í Danmörku

Andri Þór Björnsson, GR; Axel Bóasson, GK og Haraldur Franklín Magnús, GR hófu í dag leik á Willis Towers Watson Masters mótinu, sem er hluti af Nordic Golf League mótaröðinni og fer fram 7.-9. september 2017.

Mótsstaður er Kokkedal golfvöllurinn, í  Hørsholm,  30 km norður af Kaupmannahöfn.

Eftir 1. dag er Axel búinn að standa sig best Íslendinganna, lék 1. hring á 2 undir pari, 70 höggum. Hann fékk 3 fugla og 1 skolla og er T-12 eftir fyrsta mótsdag.

Andri Þór lék á 3 yfir pari, 75 höggum og er T-89 og Haraldur Franklín var á 4 yfir pari, 76 höggum og er T-107.

Sjá má stöðuna á Willis Towers Watson Masters mótinu með því að SMELLA HÉR: