Nicolas Colsaerts varar Bill Haas við: „Drævin mín eru frábær!“

Belgíska sleggjan, Nicolas Colsaerts, hefir sent mótherja sínum í dag á heimsmótinu í holukeppni, Bandaríkjamanninum Bill Haas, viðvörun: „Drævin mín eru frábær!“

Colsaerts er meistari í Volvo heimsmótinu í holukeppni og þetta er aðeins í 2. skiptið sem hann spilar á Heimsmótinu í Arizona, en í fyrra féll hann snemma úr keppni eftir að Lee Westwood hafði betur gegn honum 3&1.

Colsaerts, sem síðan þá hefir verið í sigurliði Evrópu í Ryder Cup, vonast til að hafa betur gegn Bill Haas sem tekur þátt 3. árið í röð, en í fyrra datt hann út eftir viðureign gegn Ryo Ishikawa.

„Ég spila gegn Bill Haas í 1. umferð en það er enginn andstæðingur auðveldur þegar verið er að spila gegn þeim bestu í heimi; Bill er í frábæru formi í augnablikun og ég er ekki með sömu jákvæðu straumana og hann,“ segir Colsaerts á vefsíðu sinni.

„En íþróttir eru ekki vísindi, með góðu breiki í upphafi hrings gæti ég fengið sjálfstraustið aftur á flötunum og orðið erfiður andstæðingur hvaða leikmanni sem er hér!

„Langa spilið mitt er eins beitt og það hefir nokkru sinni verið og það er sterkt vopn í holukeppni…. drævin eru frábær og það er annar sterkur eiginleiki!“

Colsaerts og Brian Nilsson, sem fæddur er í Ástralíu keyrðu frá Los Angeles eftir að komast ekki í gegnum niðurskurðinn á Northern Trust Open, með skor upp á 70 og 75 og þetta er 2. helgin sem belgíski nýliðinn á PGA Tour spilar ekki af 3 mótum sem hann hefir tekið þátt í.

„Brian og ég keyrðum í gegnum eyðimörkina á sunnudaginn og það var löng ferð, tilvalinn til þess að grafa föstudaginn s.l., þar sem röng kylfa var notuð á par-3 16. holunni,“ sagði Colsaerts

„Ég tók 8-járn í staðinn fyrir 9-járn og boltinn flaug yfir flötina í óleikanlega stöðu á bönkersbrúninni. Við vorum svo reiðir eftir hringinn, en við gerðum báðir þessi mistök á 16….

„Ég er ekki algerlega búinn að finna mig á túrnum, en þetta er spurning um nokkrar vikur… þetta verður eins og á Evrópumótaröðinni fyrir nokkrum árum; það er svolítil spenna að ná niðurskurði, síðan spenna að spila vel á laugardögum og að lokum að bæta við góðum 4. hringjum við stöðugt. Ég þekki orðið ferlið núna.“

Colsaerts sagði að hann myndi spila í næstu viku á Honda Classic mótinu í Flórída og sagðist hafa fengið boð frá Jack Nicklaus um að spila í góðgerðarmóti í The Bears Club.

„Önnur breytingin á dagskrá minni er að ég mun taka mér frí meðan Bay Hill Arnold Palmer Invitational mótið er,” bætti Colsaerts við.

„Reyndar, eftir að hafa spilað á WGC Doral, þá spila ég í góðgerðarmóti Ernie Els og á þriðjudaginn fer ég á Augusta National til þess að spila æfingahring á miðvikudaginn. Um kvöldið flýg ég síðan til Evrópu og tek mér viku frí með vinum mínum Síðan kem ég aftur á PGA Tour og spila á Shell Houston mótinu!“

Fyrir golfútbúnaðarnördanna þá ætla ég að nota gult skaft og spila með 8,5° Callaway Razr Hawk drævershausnum!“

Það er kylfan sem ég notaði í Durban í s.l. viku og hún mun aftur vera í pokanum næstur vikur…. þetta er skilvirkt bombuverkfæri!“