NGL: Haraldur varð í 2. sæti og Axel T-3 á Camfil Nordic Championship

Fjórir íslenskir kylfingar tóku þátt á Camfil Nordic meistaramótinu sem er hluti af Nordic Tour atvinnumótaröðinni.

Haraldur Franklín Magnús úr GR og Axel Bóasson úr GK náðu frábærum árangri og enduðu í 2. og 3. sæti.

Mótið fór fram á Åda Golf & Country Club.

Haraldur Franklín Magnús endaði á -11 samtals (65-69-71) og var aðeins tveimur höggum frá efsta sætinu.

Axel Bóasson, GK, lék á -10 samtals (71-66-69) og deildi þriðja sætinu með Sander Aadusaar frá Eistlandi.

Andri Þór Björnsson, GR, deildi 46. sætinu með Pontus Stjärnfeldt frá Svíþjóð. Andri Þór lék á +4 samtals (72-71-77).

Aron Bergsson, úr GKG, sem er búsettur í Svíþjóð, endaði á +5 (74-75) og komst hann ekki í gegnum niðurskurðinn.

Sjá má lokastöðuna á Camfil Nordic Championship með því að SMELLA HÉR: 

Texti: GSÍ