NGL: Haraldur Franklín T-14 e. 1. dag Camiral Golf&Wellness meistaramótinu

Fimm íslenskir kylfingar taka þátt í Camiral Golf & Wellness Championship, en mótið er hluti af Nordic Golf League mótaröðinni (skammst.: NGL).

Þetta eru þeir: Haraldur Franklín Magnús, GR; Andri Þór Björnsson, GR, Axel Bóasson, GK, Elvar Kristinsson, GR, og Hákon Örn Magnússon, GR.

Mótið stendur dagana 2.-4. mars 2023 og fer fram á tveimur völlum á PGA Catalunya golfsvæðinu rétt við borgina Girona, á Spáni.

Keppnisvellirnir eru: Stadium Course, sem er par 72 og Tour Course, sem er par 71.

Haraldur Franklín er búinn að spila best af íslensku kylfingunum; er T-14; hefir spilað á 3 undir pari, 68 höggum.

Axel lék 1. hring á 1 yfir pari (72 höggum); Andri Þór 3 yfir pari (75 höggum); Hákon Örn á 4 yfir pari (75 höggum) og Elvar á 7 yfir pari (79 höggum).

Sjá má stöðuna að öðru leyti á Camiral Golf & Wellness Championship eftir 1. dag með því að SMELLA HÉR: 

Á Nordic Golf League mótaröðinni gefst tækifæri til þess að komast inn á Challenge Tour, Áskorendamótaröðina, sem er í næst efsta styrkleikaflokki atvinnumótaraða í Evrópu. Guðmundur Ágúst Kristjánsson, Haraldur Franklín Magnús og Axel Bóasson hafa allir komist inn á þá mótaröð með góðum árangri á Nordic Golf League mótaröðinni.

Fimm efstu á stigalista Nordic Golf League í lok tímabilsins fá keppnisrétt á Challenge Tour – og einnig er hægt að tryggja sér keppnisrétt á þeirri mótaröð með því að sigra á þremur eða fleiri mótum á Nordic Golf League. Þeir keppendur sem enda í sætum 6-10 á stigalista mótaraðarinnar fá takmarkaðan keppnisrétt á Challenge Tour á næsta tímabili.