Guðmundur Ágúst Kristjánsson, GR. Mynd: golf.is
Ragnheiður Jónsdóttir | júlí. 11. 2019 | 20:00

NGL: Guðmundur Ágúst efstur e. 2. dag á Svea

Guðmundur Ágúst Kristjánsson, GR, er í efsta sæti fyrir lokahringinn á móti vikunnar á Nordic Golf League (NGL) mótaröðinni, Svea Leasing Open.

Guðmundur Ágúst er búinn að spila samtals á 11 undir pari, 133 höggum (66 67).

Guðmundur Ágúst er í 1. sæti á 3 högg á heimamanninn Charlie Jerner.

Mótið fer fram í Täby golfklúbbnum í Täby, Svíþjóð, dagana 10.-12. júlí 2019 og lýkur því á morgun.

Til þess að sjá stöðuna á Svea Leasing Open SMELLIÐ HÉR: 

Sigri Guðmundur Ágúst á þessu móti hefir hann sjálfkrafa tryggt sér keppnisrétt á Challenge Tour þ.e. 2. deildinni í karlagolfinu í Evrópu út keppnistímabilið,- sem er stórglæsilegur árangur!!! Þeir sem sigrað hafa í 3 mótum NGL tryggja sér sjálfkrafa rétt á Challenge Tour og Guðmundur Ágúst hefir þegar sigrað í 2 mótum mótaraðarinnar.

Fjórir aðrir íslenskir kylfingar tóku/taka þátt í Svea Leasing mótinu Andri Þór Björnsson, GR; Axel Bóasson, GK  og Haraldur Franklín Magnús, GR, sem ekki komust í gegnum niðurskurð og Aron Bergsson, sem náði niðurskurði eftir glæsilegan 2. hring upp á 67 högg, en Aron er T-39 í mótinu.