NGL: Elvar Már stóð sig best Íslendinganna 11 sem þátt tóku á Bravo Tours Open!

Áhugamaðurinn Elvar Már Kristinsson, GR stóð sig best af þeim 11 íslensku kylfingum, sem spiluðu undir íslenskum fána og tóku þátt í móti á Nordic Golf League (NGL); þ.e. Bravo Tours Open by Enjoy Resorts.

Íslensku kylfingarnir, sem auk Elvar Más tóku þátt í mótinu voru: Andri Þór Björnsson,GR; Aron Júlíusson, GKG; Axel Bóasson, GK; Bjarki Pétursson, GB; Böðvar Bragi Pálsson, GR; Gísli Sveinbergsson, GK; Gunnlaugur Árni Sveinsson, GKG; Hákon Örn Magnússon, GR; Ragnar Garðarsson, GKG og Sigurður Arnar Garðarsson, GKG.

Auk framangreindra 11 kylfinga voru tveir Íslendingar í mótinu sem spiluðu fyrir erlenda klúbba: Aron Bergsson,  lék fyrir sænska Hills golfklúbbinn og Hákon Harðarsson, sem spilaði undir dönskum merkjum fyrir Royal GC.

Mótið fór fram á Rømø vellinum á Jótlandi, í Danmörku, dagana 27.-29. apríl sl.

Elvar Már lék á samtals 5 yfir pari (75 73 73).

Alls komust 4 Íslendinganna gegnum niðurskurð; auk Elvars: Axel Bóasson (T-35) og Hákon Örn Magnússon (46. sæti) og Aron Bergsson, sem spilaði fyrir Hills golfklúbbinn í Svíþjóð, eins og áður sagði og varð T-21 á   4 yfir pari (72 75 73).

Sjá má lokastöðuna á Bravo Tours Open með því að SMELLA HÉR:

Í aðalmyndaglugga: Elvar Már Kristinsson. Mynd: seth@gsi.is