Myndskeið: Viðtal við Tiger eftir sigurinn á Chevron World Challenge

Til þess að sjá myndskeið á ensku af viðtali, sem tekið var við Tiger rétt eftir sigur hans á Chevron World Challenge, smellið hér: VIÐTAL VIÐ TIGER EFTIR SIGUR Á CHEVRON WORLD CHALLENGE

Hér að neðan má sjá afar lauslega þýðingu á viðtalinu á íslensku:

Fréttamaður: Tiger, þetta hafa verið löng 2 ár, hvernig er tilfinningin að sigra?

Tiger: Hún er frábær, það var gaman að enda þetta svona, þetta var tvísýnt á 16., en höggið sem hann (Johnson) spilaði á 14. var brandari var það ekki?  Það fór svolítið til vinstri. Ég hélt ég væri kominn í forystu þarna. Ég held að það hafi snúið leiknum við. Ég hélt að hann myndi fá skolla og erfitt yrði að halda honum (boltanum) inni á flötinni en það næsta sem ég vissi var að ég var kominn höggi á eftir, en eftir það  setti ég niður tvö góð pútt.

Fréttamaður: Hversu mikilvægt var púttið á 17. braut?

Tiger: Það gaf mér tækifæri, því hefði ég ekki sett það niður og við værum komnir á 18. braut væri leikurinn aftur undir stjórn Zach – ef hann hefði sett niður fugl hefði ég ekki haft tækifæri til sigurs – ég ætlaði að gefa mér tækifæri þar sem fugl gæti leitt til umspils eða sigurs a.m.k. ætti ég val og þessi árangur var gríðarlega stór.

Fréttamaður: Ef þú gætir lýst tilfinningum þínum núna væri það meira gleði, fullnæging, léttir – hvernig myndir þú lýsa þeim?

Tiger: Hvernig sem þær eru þá eru þær frábærar!

Fréttamaður: Opnar þetta flóðgáttirnar fyrir næsta ár, nú þegar þér hefir tekist þetta í lok árs (að sigra)- þetta er óopinbert en fyrir þig er þetta mikilvægt?

Tiger: Það má líta á hvað Jimmy (Furyk) gerði hér fyrir nokkrum árum – hann kom hingað, sigraði og átti heljarinnar gott ár eftir það- vonandi get ég gert það sama.

Fréttamaður: Þú ert ánægður en það er líka mikið af fólkinu hér –

Tiger:  Það var frábært að koma hingað og gera það sem við vorum að gera, að styrkja börn (sbr. t.d. átakið „Eagles for Education“ sem var í gangi í mótinu – en fyrir hvern örn sem kapparnir náðu rann ákveðin upphæð til menntunar barna í Bandaríkjunum); Í dag var bara fullkominn dagur, það var bara eins og að spila í helgidóm – dæmigerður dagur í Suður-Kaliforníu og ég held að allir hafi notið hans.

Fréttamaður: Takk fyrir.