Myndskeið: Kim rekinn af kóreanska PGA í 3 ár!

Fyrrum PGA Tour kylfngurinn Bio Kim, 29 ára, hefir verið rekinn af kóreanska PGA Tour í 3 ár fyrir að hafa verið með dónalega bendingu (miðputtinn upp í loft) við áhorfendur á lokahring DGB Financial Group Volvik Daegu Gyeongbuk Open, á kóreanska PGA Tour sl. sunnudag 30. september 2019.

Þar að auki barði hann dræver sínum í teiginn í pirringi.

Þetta voru viðbrögð Kim eftir að farsími eins áhorfandans fór af stað í baksveiflu Kim á 16. teig.

Hann var með 1 höggs forystu allan tímann og sigraði í mótinu og er þetta 2. sigurinn á kóreanska PGA Tour (KPGA) hjá Kim.

Þessi sigur var dýrkeyptur því fyrir þetta dónalega framferði hefir honum nú verið vikið af mótaröðinni í 3 ár auk þess sem honum ber að greiða 10 milljón won í sekt (u.þ.b. 1 milljón 35 þús íslenskar kr.) og þykja ýmsum ströng viðurlög.

Sjá má Kim með miðputtann upp í loft, berjandi drævernum í teig í miðfylgjandi myndskeiði SMELLIÐ HÉR: 

Sem stendur er Kim bæði í forystu á peningalistanum og eins í keppninni um titilinn kylfing ársins á mótaröðinni, en þar sem honum hefir nú verið vikið af mótaröðinni fær hann ekki að spila það sem eftir er keppnistímabilisins og verður því hugsanlega af hvorutveggja.

„Bio Kim skaðaði virðingu kylfinga með þessu broti á siðareglum og óviðeigandi hegðun,“ sagði í fréttatilkynningu kóreanska PGA (KPGA).

Kim lék á bandaríska PGA Tour 2011 eftir að hafa komist í gegnum Q-school og eins spilaði hann í 2 ár á Web.com Tour (sem nú er Korn Ferry Tour).

Hann baðst afsökunar á andartaks reiðikasti sínu þegar eftir mótið …. en allt kom fyrir ekki, agaviðurlögin standa.