Monty kvænist í 3. sinn

Colin Montgomerie (Monty) gékk í það heilaga nú nýverið og það í 3. sinn.

Monty hefir alltaf þótt mikill kvennamaður og hefir í gegnum tíðina allt eins verið í fréttum golffréttamiðla fyrir það og íþróttafrek sín. Hann var kvæntur Eimear Wilson (1990-2006) og á með henni 3 börn: Olivia, Venetia og Cameron. Síðan var Monty kvæntur Gaynor Knowles (2008-2017), en þau eru nú skilin.

Í þetta sinn er sú lukkulega umboðsmaður hans, Sarah Casey.

Hún hefir nú þegar breytt eftirnafni sínu í Montgomerie á facebook.

Monty lýsti brúðkaupi sínu, sem kemur næstum 6 árum eftir 2. skilnað hans, sem „fullkomnum degi.“

Brúðkaupið fór fram í Coworth Park í Ascot, Berkshire, í sama lúxus hóteli og prinsarnir Harry og William gistu í, áður en hinn fyrrnefndi kvæntist Meghan, hertogaynju af Sussex, árið 2018.

Monty verður 60 ára 23. júní n.k.