Mestu sleggjurnar beggja vegna Atlantsála á samningi hjá Callaway eftir að samningur var gerður við Colsaerts

Callaway Golf getur nú montað af því að vera með mestu sleggjurnar beggja vegna Atlantsála á samningi hjá sér eftir að gengið var frá samningi við Belgann Nicolas Colsaerts.

Þessi frábæri Ryder bikars nýliði er meðal margra þekktra kylfinga sem hafa skipt úr Titleist kylfum yfir í Callaway fyrir 2013 keppnistímabilið.

Í golfpoka Nicolas Colsaerts munu því vera 10 Callaway kylfur í þegar hann hefur keppni í fyrsta móti sínu á 2013 keppnistímabilinu í næstu viku.

Colsaerts staðfesti á vefsíðu sinni að hann hefði gengið frá 10 kylfu samningi og í Volvo Champions mótinu í næstu viku Durban mun hann nota nýja Callaway 9.5°Razr Head Dræver, CallawayDynamic Gold X-100 járn (wað undanskildu 2-járninu) og Odyssey Black Series 1 Tungstenpútterinn .

Colsaerts byrjaði 2012 keppnistímabilið með hring upp á 63 högg og var óheppinn að komast ekki í umspil.

Meðal annarra sleggja sem eru á samningi hjá Callaway eru Spánverjinn Alvaro Quiros og Bandaríkjamaðurinn Gary Woodland.

Colsaerts er högglengsti kylfingur á Evrópumótaröðinni 2012 en meðaldræv hans voru 318,3 yardar (291 metrar).

Þetta var næstum 5 yördum (4,5 metrum) lengra en Ástralinn Scott Hend var með og 5,8 yördum (5 metrum) lengra en hjá sleggjunni spænsku Alvaro Quiros, sem var með meðaltalsdræv upp á 312,5 yarda (286 metra).

„Ég er svo glaður að ná samningum við Callaway,“ sagði Colsaerts m.a. Hann sagðist hins vegar áfram munu nota Titleist bolta.

Gary Woodland átti lengsta drævið á PGA Tour 2012 450 yarda (411,5 metra) á 18. holu á fyrsta degi fyrta mótsins –  Hyundai Tournament of Champions í Hawaii, í fyrra, en það mót hefst einmitt í dag, og s.l. 3 ár hefir Woodland að meðaltali verið að slá lengra en 300 yarda (275 metra).