Mesta eftirsjá stórkylfinga (12. grein af 20): Martin Kaymer

Flestallir kannast orðið við þýska kylfinginn Martin Kaymer, en hann vann PGA Championship risamótið 2010 og var um stutt skeið nr. 1 á heimslistanum. Eitthvað er lukkan farin að síga hjá Kaymer, en hann er dottinn af topp-10 á heimslistanum í þessari viku niður í 11. sætið.

Eftirsjá? Gefum Kaymer orðið:

„Ætli það hafi ekki verið fyrsta skiptið mitt á Masters [2008]. Ég var inni á flöt á 15. í tveimur höggum en chippaði úr þeirri legu yfir green-ið og í vatnið. Ég var kominn upp á flöt í 5 höggum, tvípúttaði og lokaskorið mitt var svört 7-a. Ég komst ekki í gegnum niðurskurð og það munaði 1 höggi. Ég mun aldrei gleyma þessu.

(Mesta eftirsjáin) utan vallar – það er erfiðara. Ég hef átt nokkuð hamingjuríkt líf. En ég vildi að ég hefði ekki farið í go-kart í ágúst 2009. [Kaymer braut 3 tær í því slysi]. Það kostaði mig fjarveru úr mótum, sem ég gæti hafa spilað á. Ég missti úr 7 vikur af golfi á tímabili þegar ég var í forystu á stigalista Evrópumótaraðarinnar.  Ég get ekki sagt að það hafi kostað mig sigur á peningalistanum, en þetta hjálpaði ekki til. Sjö vikur án golfs var kvalarfullt, sérstaklega þegar maður sat og horfði á hina spila á öllum frábæru mótunum, sem eru á þessum árstíma. Það var erfitt að verða af móti eins og the Dunhill Links Championship í Skotlandi. Ég elska það mót. Ég hef verið í go-kart síðan þá. En ég keyri aðeins öðruvísi nú.“