McIlroy og McDowell efstir í Mission Hills eftir 3. dag

Norður-Írarnir Graeme McDowell og Rory McIlroy verma toppsætið á Omega Mission Hills heimsbikarsmótinu eftir 3. dag mótsins.  Þeir komu í hús á  -8 undir pari, 64 höggum og eru samtals búnir að spila á 195 höggum (63 68 64).  Þeir hafa nú 2 högga forystu á mótinu, hafa spilað á samtals -21 undir pari.

Það voru lið Þýskalands (Cejka & Kaymer)  og Suður-Afríku (Goosen & Schwartzel) sem áttu bestu hringi dagsins, 61 högg hvor og deila 2. sæti ásamt liði Bandaríkjanna (Kuchar&Woodland), sem komu inn á 63 höggum í dag.

Ástralir sem leiddu fyrstu 2 daga mótsins spiluðu á 67 höggum í nótt, -5 undir pari, sem er ekki sérstakt skor í fjórbolta. Brendan Jones og Richard Green hafa samtals spilað á -18 undir pari og eru nú í 5. sæti, 3 höggum á eftir Rory og Graeme; en 1 höggi á undan liði Hollendinga (Derksen & Luiten) sem eru í 6. sæti.

Edorardo og Francesco Molinari eru síðan í  7. sæti ásamt liði Mexíkó (Rodriguez & Serna) á  samtals -16 undir pari, 5 höggum frá efsta sætinu.

Til þess að sjá stöðuna á Heimsbikarsmótinu í Mission Hills eftir 3. dag smellið HÉR: