Masters 2023: Sam Bennett hlaut silfurbikarinn

Sam Bennett áhugamaður, sem spilaði á Masters 2023 á sérstakri undanþágu og boðskorti frá Augusta National, stóð svo sannarlega undir væntingum sem til hans voru gerðar.

Framkvæmdastjórn Augsta National mat það svo að Bennett ætti heima meðal þeirra bestu í heiminum og þó hann ætti í raun ekki þátttökurétt í risatmótinu eftir hefðbundnum leiðum, en honum var boðið sérstaklega.

Sjá eldri grein Golf 1 um það með því að SMELLA HÉR: 

Í Masters 2023 voru 87 þátttakendur og skorið niður miðja vegu eins og venja er nema hvað ákveðið var fyrirfram að 54 efstu myndu ná niðurskurði.

Bennett flaug í gegnum niðurskurð og gerði sér lítið fyrir og varð T16  í fyrsta sinn sem hann tekur þátt í Masters og þar sem hann er áhugamaður hlaut hann silfurbikarinn, sem veittur er efsta áhugamanninum, sem kemst í gegnum niðurskurð á Masters. Silfurbikarinn (ens.: Silver Cup) hefir verið veittur frá árinu 1952.

Glæsilegur árangur Sam Bennett!!!

Við eigum eflaust eftir að heyra mun meira frá þessum frábæra kylfingi í framtíðinni!!!