Ted Potter Jr. vann par-3 mótið

Það var Bandaríkjamaðurinn Ted Potter Jr. sem sigraði í par-3 keppninni, sem fram fór í gær á Augusta National, en mótið hefir verið undanfari aðalmótsins og leikið deginum fyrir það, allt frá árinu 1960. Tveimur kylfingum tókst jafnframt að fara holu í höggi: Ben Crenshaw á 7. holu og Nick Watney á 9. holu.

Gleði á teig þegar Nick Watney fór holu í höggi í Masters 2013

Það voru 5 kylfingar sem voru efstir og jafnir á par-3 mótinu: Ted Potter Jr., Ernie Els, Matt Kuchar, Nick Watney og Phil Mickelson, allir á 4 undir pari, 23 höggum og því varð að fara fram bráðabani, þar sem Potter hafði sigur á 2. holu í viðureign við Kuch og Phil, en Ernie Els og Nick Watney kusu að taka ekki þátt, því þeim sem sigra í par-3 mótinu hefir nefnilega aldrei í allri sögu the Masters tekist að vinna aðalmótið.  Potter Jr. veitist því kjörið tækifæri að lyfta þeim álögum sem hvíla að sögn á sigurvegurum par-3 móta, með sigri í aðalmótinu nú um helgina.

Golfgoðsagnirnar þrjár: Arnie, Jack og Gary

Golfgoðsagnirnar 3: Arnold Palmer, Jack Nicklaus og Gary Player létu sig ekki vanta í par-3 mótið.

Caroline Wozniacki kylfuberi kæresta síns, Rory

Eiginkonur, kærestur og börn voru sem fyrr vinsælir kylfuberar manna sinna m.a. klæddust Caroline Wozniacki , kæresta Rory McIlroy og Angie Watson, eiginkona Bubba Watson, hvíta samfestingnum og jafnvel börn kylfinga fengu að taka þátt í mótinu, en hinn hjátrúafulli Boo Weekly leyfði strákunum sínum að pútta á lokaholu par-3 mótsins, þegar hann var kominn hættulega nálægt sigri á 5 undir pari, og fékk sig þar með dæmdan úr leik. Reyndar er par-3 mótið mjög fjölskylduvænt og flestar stórstjörnur golfíþróttarinnar með konur og börn sín með sér.

Par-3 mótið er mjög fjölskylduvænt. Hér eru Bubba Watson, sigurvegari the Masters 2012 ásamt Angie eiginkonu sinni og Caleb, syni þeirra hjóna.

Til þess að sjá úrslitin í par-3 mótinu SMELLIÐ HÉR: