Manassero rifjar upp skemmtilegar minningar

Matteo Manassero rifjaði upp vikuna „sem allt breyttist” þegar hann sneri aftur til Club de Campo del Mediterráneo til þess að hefja titilvörn sína í Castelló Masters – en Castelló mótið hefst á morgun.

Þessi 18 ára gamli Ítali varð yngsti sigurvegari Evróputúrsins fyrir 12 mánuðum þegar hann vann Castelló Masters með 4 högga mun á næsta mann aðeins 17 ára og 188 daga gamall.

Manassero hafði þegar sannað hæfni sína með sigri á British Amateur Championship og hann hlaut silfurmedalíuna á Opna breska.

En eðli þessa fyrsta sigurs Manassero vakti undrun áhorfenda því Manassero sýndi þroska umfram aldur sinn.

Hann hlaut  Sir Henry Cotton nýliðaverðlaunin, sem viðurkenningu á hæfileikum sínum, sem voru síðan enn á ný staðfestir þegar hann sigraði á Maybank Malaysian Open (nú í vor) og hann hefir vakið hrifningu jafnt og þétt árið 2010 og er nú í 20. sæti í The Race to Dubai.

„Allt hefir breyst,” sagði Matteo. „Síðasta ár var mjög sérstakt vegna þess að þá sigraði ég í fyrsta sinn. Síðan vann ég í Malasíu og varð meðal topp-50 og allt breyttist.”

Þrátt fyrir frábæran árangur stefnir Matteo á að bæta sig því hann hefir ekki verið meðal topp-10 á Evróputúrnum, síðan í júní.

„Þetta hefir verið erfitt sumar,” bætti Matteo við. „Ég er að bæta sveifluna, gera breytingar, en mér líður vel þegar ég slæ boltann. Á næsta ári spila ég í Evrópu. Ég tek þátt í nokkrum mótum í Bandaríkjunum í upphafi næsta keppnistímabils en mér líður bara vel í Evrópu sem stendur. Það er draumur minn að sigra og ég hef svolitla reynslu núna. Það væri frábært ef mér tækist að sigra aftur hér í  Castellón.”

Heimild: europeantour.com