Luke Donald á leið í nefaðgerð

Nr. 2 á heimslistanum, Luke Donald, segist hafa þjáðst í nefi í lengri tíma og segir að það hafi haft áhrif á spil hans seinni 2 hringina í Dubai nú um helgina þegar hann varð T-3 á Dubai World Tour Championship.

Fyrir lokahringinn voru þeir Rory jafnir, en Rory vann síðan mótið s.s. allir vita með 5 högga mun.

Hinn 34 ára gamli Luke Donald sagði vegna nefaðgerðarinnar sem yfirvofandi er: „Ennisholurnar á mér eru stíflaðar og í hvert sinn sem að ég fæ svolítið kvef fæ ég sýkingu í þær.

„Vonandi kemst þetta í lag með skurðaðgerðinni. Þetta er fljótleg og auðveld aðgerð.“

„Ég vil ekki afsaka neitt en síðustu daga hef ég átt í vandræðum með ennisholurnar aftur.“

„Ég var frekar slappur og því miður gat ég ekki gert neitt á vellinum þarna á sunnudaginn (lokahring Dubai World Tour Championship).“

Heimild: Sky Sports