LPGA: Yani Tseng sigraði á Kia Classic!

Nr. 1 á heimslista kvenna, Yani Tseng, vann 2. sigur sinn í röð á LPGA Tour með yfirburðum í nótt.

Hún lauk keppni á Kia Classic og hampaði rauða vasanum og lyklum að glænýjum Kia Optima að lokum.

Yani var samtals á -14 undir pari, samtals 274 höggum (67 68 69 70) og skorið var í röð þ.e. fór hækkandi um 1 högg á hverjum degi og maður spyr sig hvort hún sé bara að leika sér að þessu?

Hún átti heil 6 högg á þá sem varð í 2. sæti Sun Young Yoo frá Suður-Kóreu.

„Mér fannst bara dagurinn í dag (sunnudagur) vera eins og hver annar,“ sagði Yani.

„Mér fannst ekki að það væri sunnudagur. Mér leið ekki eins og ég hefði 3 högga forystu. Ég einbeitti mér bara að því að slá eitt högg í einu. Ég held að mér hafi tekist vel að einbeita mér bara að sjálfri mér.“

Yani, þessi 23 ára stúlka frá Taíwan var í forystu allt frá upphafi til loka á Legend golfvelli La Costa, í Carlsbad Kaliforníu og hún er næstyngst (á eftir Nancy Lopez, sem var 22 ára) til þess að sigra á 15 LPGA mótum.

Yani hreinlega sópar til sín sigrum á mótum. Hún vann LPGA Founders Cup í síðustu viku í Phoenix og LPGA Thailand í febrúar. Hún vann langflest mót allra síðasta keppnistímabil (2011) eða samtals 7 og þ.á.m. Women´s British Open risamótið.

Alls hefir Yani sigrað í 6 af 7 skiptum þegar hún hefir verið í forystu eftir 54 holur.  Til marks um hversu góð hún er þá þrípúttaði hún aðeins 1 sinni á hringnum í nótt en það var þegar hún lauk hringnum með skolla á 18. flöt.

Til þess að sjá úrslitin á Kia Classic smellið HÉR: