LPGA: Yani Tseng í efsta sæti fyrir lokahringinn á Kia Classic

Yani Tseng heldur forystu sinni á Kia Classic mótinu. Í nótt spilaði hún á hún á glæsilegum 69 höggum og á nú 3 högg á þá sem kemur í 2. sæti. Alls er Yani á -12 undir pari, 204 höggum (67 68 69).

Það er fyrrum nr. 1 á heimslista kvenkylfinga, Jiyai Shin, sem er í 2. sæti, á samtals -9 undir pari, 207 höggum (68 71 68).

Þriðja sætinu deila Caroline Hedwall og Sun Young Yoo á samtals -7 undir pari, samtals 209 höggum; Caroline (67 72 70) og Sun Young (69 73 67).

Í 5. sæti er síðan Se Ri Pak frá Suður-Kóreu, á -6 undir pari, samtals 210 höggum (71 66 73).

Athygli vekur að í 11 efstu sætunum eru 8 frá Asíu. … og af þeim er Yani langsigurstranglegust!

Til þess að sjá stöðuna á Kia Classic fyrir lokahringinn sem spilaður verður í dag smellið HÉR: