LPGA: Wie ekki með í Evían risamótinu vegna botnlangauppskurðar

Michelle Wie hefir dregið sig úr 5. risamóti kvennagolfsins The Evian Championship þar sem hún er að ná sér eftir botnlangauppskurð.

Hin 27 ára Wie dró sig líka úr Canadian Pacific Women’s Open í Ottawa, fyrir lokahringinn, sem fram fór 27. ágúst s.l. og gekkst undir hnífinn það kvöld.

The Evian Championship, lokarisamótið á LPGA mótaröðinni, hefst eftir nákvæmlega viku, 14. september í Evían, Frakklandi.

„Því miður hafa læknarnir mínir ráðlagt mér að halda áfram að hvíla mig sem þýðir að ég verð að draga mig úr (at)evianchamp í næstu viku“ sagði Wie í gær, miðvikudaginn 6. september á félagsmiðlunum.

„Þetta brýtur í mér hjartað því það er ekkert annað sem ég vil frekar í augnablikinu en að vera fær um að keppa.“

„Ég elska Evian Championship og það á sérstakan stað í hjarta mér. Ég ólst upp við að spila í þessu móti og ég get ekki beðið eftir að koma aftur að ári liðnu.“

„Jafnskjótt og læknarnir segja að ég hafi náð mér að fullu mun ég fara aftur á æfingar og spila en nú verð ég bara að hlusta á læknana og halda kyrru fyrir.“