LPGA: Veronica Felibert áfram í forystu fyrir lokahring Wallmart NW Arkansas Championship

Nýliðinn á LPGA, Veronica Felibert, frá Venezuela, jók enn forystuna á afmælisdeginum sínum í gær; er samtals búin að spila á 11 undir pari, samtals 131 höggi (65 66) á Wallmart NW Arkansas Championship. Veronica er komin með 4 högg í forystu í Rogers Arkansas, þar sem mótið fer fram.

Aðspurð hvernig henni líði að vera í vinningsstöðu sagði Felibert: „Ég hef gaman af því, það er draumi líkast að vera efst allan tímann og það á nýliðaári mínu. Ég var að reyna að spila eins vel og ég gat, þannig að það er það sem ég er að gera og svo lengi sem er gaman er ég ánægð.“

Þær sem deila 2. sætinu á samtals 7 undir pari, 135 höggum eru þær Mika Miyazato frá Japan (70 65) og Inbee Park frá Suður-Kóreu (67 68).

Í 4. sæti eru 5 kylfingar þ.á.m. Ai Miyazato á samtals 6 undir pari, hver og í 9. sæti er annar hópur af 5 kylfingum á samtals 5 undir pari, þ.á.m. spænski kylfingurinn Azahara Muñoz.

Til  þess að sjá stöðuna eftir 2. dag Wallmart NW Arkansas Championship SMELLIÐ HÉR: