LPGA: Sun Young Yoo sigraði á Kraft Nabisco Championship

Það var Sun Young Yoo sem stóð uppi sem sigurvegari á Kraft Nabisco Championship risamótinu í nótt, eftir umspil við IK Kim. Báðar voru þær Yoo og Kim á sama skorinu eftir 72 holur, þ.e. samtals -9 undir pari, 279 höggum, Sun Young Yoo (69 72 69 69) og IK Kim (70 70 70 69)  og því varð að koma til umspils milli þeirra. Umspilið fór fram á par-5 18. brautinni á Mission Hills í Rancho Mirage og vann Sun Young Yoo það með fugli en IK Kim fékk par.  Að sigrinum loknum stökk Yoo út í Poppy Pond s.s. hefð er fyrir.

Sun Young Yoo og kaddý stökkva út í Poppy Pond.

Sú sem sigurstranglegust þótti í mótinu, nr. 1 á heimslistanum, Yani Tseng, varð í 3. sæti, 1 höggi á eftir Yoo og Kim.

Fjórða sætinu deildu síðan forystukonan fyrir lokahringinn, hin sænska Karin Sjödin, bandaríska stúlkan Stacy Lewis, sem átti titil að verja frá því í fyrra (byrjaði mótið illa en lauk því með stæl á 66 höggum í gær!) auk Hee Kyung Kim og Amy Yang frá Suður-Kóreu.  Allar voru þær á samtals  -7 undir pari, samtals 281 höggi,  2 höggum á eftir Sun Young Yoo.

Í 8. sæti er síðan sjaldséður hvítur hrafn, Natalie Gulbis og tvær frá Suður-Kóreu, þær Se Ri Pak og NY Choi, allar á -6 undir pari hver.

Til þess að sjá úrslitin í Kraft Nabisco Championship smellið HÉR: