LPGA: Stacy Lewis og Mika Miyazato leiða eftir 1. hring Shoprite LPGA Classic

Í gær hófst í Seaview í Galloway, New Jersey Shoprite LPGA Classic mótið, þar sem þátt taka flestar bestu kvenkylfinganna á Rolex-heimslistanum.

Í efsta sæti eftir 1. hring eru bandaríska stúlkan Stacy Lewis og hin japanska MIKA (þ.e.a.s. ekki Ai) heldur MIKA Miyazato (á japönsku:  宮里美香, en EKKIi 宮里 藍)

Stacy og Mika spiluðu báðar á 65 höggum, -6 undir pari þessa par-71 golfvallar A Dolce Resort. Stacy byrjaði ekki vel, fékk slæman skramba (6) á par-4 2. brautina, en tók hann strax á næstu braut aftur með glæsierni og fékk síðan 5 fugla á afgang vallarins.

Mika Miyazato hins vegar átti glæsihring með minni sviptingum. Mika spilaði skollafrítt, fékk 4 fugla og glæsiörn á par-5 9. brautina.

Þriðja sætinu deila kólombíska stúlkan Mariajo Uribe og „bleiki pardusinn“ Paula Creamer.  Báðar eru þær 2 höggum á eftir þeim Mika og Stacy, á -4 undir pari

Ein í 5. sæti á -3  undir pari er kanadíski nýliðinn á LPGA Maude Aimee Leblanc, sem Golf 1 var með kynningu á (Sjá með því að smella HÉR:)

Í 6. sæti á -2 undir pari kemur  síðan hópur 7 kylfinga/flest þekkt nöfn eins og Lexi Thompson, Azahara Muñoz, Anna Nordqvist og Christina Kim.

Til þess að sjá hverjar hinar 3 í 6. sæti eru og stöðuna að öðru leyti eftir 1. dag Shoprite LPGA Classic, smellið HÉR: