LPGA: Ryann O´Toole, Beatriz Recari & Giulia Sergas leiða eftir 1. dag Wegmans LPGA Championship

Það eru þær Ryann O´Toole, Beatriz Recari & Giulia Sergas, sem leiða eftir 1. dag Wegmans LPGA Championship risamótsins, sem hófst í gær á Locust Hills Country Club í Pittsford, New York.  Þær spiluðu allar á 3 undir pari eða 69 höggum.

Á hælunum á þeim er hópur 7 kylfinga, aðeins 1 höggi á eftir þ.e. á 70 höggum, sem deilir 4. sætinu. Þ.á.m. er nr. 5 í heiminum Cristie Kerr og fyrrum  nr. 1 í heiminum Ai Miyazato.

Sex kylfingar deila síðan í 11.sæti,  þ.á.m. þýska W-7 módelið fyrrverandi Sandra Gal og norska frænka okkar Suzann Pettersen, en þær spiluðu á 71 höggi og eru aðeins 2 höggum á eftir forystunni.

Frænka Tiger, Cheyenne Woods, fyrrum liðsfélagi Ólafíu Þórunnar í Wake Forest, sem er að spila í fyrsta sinn á móti á LPGA, sem atvinnumaður, stóð sig vel, spilaði á 75 höggum þ.e. á þremur yfir pari og verður aðeins að bæta í ætli hún sér örugglega í gegnum niðurskurðinn, en sem stendur er hún meðal þeirra síðustu inn í helgina – en spáð er að niðurskurður verði miðaður við 3 yfir pari.

Nr. 1 á heimslistanum Yani Tseng verður heldur betur að gefa í því hún spilaði á 4 yfir pari og er úti skv. spá um niðurskurð – gefi hún ekki í, í dag, sem hún á eflaust eftir að gera.

Það stefnir í æsispennandi keppni þar sem aðeins 2 högg skilja að þá, sem er í 1. sæti og þá sem er í 16. sætinu!

Til þess að sjá stöðuna eftir 1. dag  Wegmans LPGA Championship SMELLIÐ HÉR: