Ragnheiður Jónsdóttir | mars. 23. 2013 | 03:15

LPGA: Recari efst þegar Kia Classic er hálfnað

Það er hin spænska Beatriz Recari, sem leiðir þegar Kia Classic er hálfnað á Aviara golfvellinum í Carlsbad, Kaliforníu.

Forysta Recari er naum, en hún er búin að spila á samtals 8 undir pari, 136 höggum (69 67).

Í 2. sæti eru bleiki pardusinn, Paula Creamer og hin ástralska Carrie Webb, aðeins 1 höggi á eftir á samtals 7 undir pari, 137 höggum.

Forystukona gærdagsins, heimakonan Jane Park er dottin niður í 4. sæti stigatöflunar eftir hring upp á 72 högg, en því sæti deilir hún með 4 öðrum, þ.á.m. Inbee Park og Cristie Kerr.  Caroline Hedwall og Lizette Salas deila síðan 9. sætinu á samtals 5 undir pari, hvor.

Heimsins besta, Stacy Lewis, sækir á er komin í 11. sæti (sem hún deilir ásamt 3 öðrum) á samtals 4 undir pari, 140 höggum aðeins 4 höggum á eftir Recari.

Meðal kylfinga, sem ekki komust í gegnum niðurskurð (sem miðaður var við samtals 3 yfir par) voru enska golfdrottningin Laura Davies (óvanalegt að sjá hana í næstneðsta sæti á 82 76)  hin sænska Maria Hjorth, hin enska Karen Stupples og hin bandaríska Brittany Lincicome.

Til þess að sjá stöðuna þegar Kia Classic er hálfnað SMELLIÐ HÉR: