LPGA: Ólafía T-56 e. 1. dag Swinging Skirts – fer út kl. 1:21 í nótt á 2. hring – Fylgist með!!!

Ólafía Þórunn „okkar“ Kristinsdóttir, atvinnukylfingur úr GR, hóf s.l. nótt keppni  á Swinging Skirts LPGA Taiwan Championship presented by CTBC, eins og mótið heitir fullu nafni en það er mót  vikunnar á LPGA.

Mótið fer fram á golfvelli Miramar Golf Country Club í  Taipei, Taíwan.

Þetta er í 23. LPGA-mótið, sem Ólafía Þórunn spilar í.  Þátttakendur eru 81.

Ólafía lék 1. hring á 4 yfir pari, 76 höggum; 2 fugla, 4 skolla og einn tvöfaldan skolla og er sem stendur T-56, þ.e. deilir 56. sætinu með 10 öðrum kylfingum, þ.á.m. Michelle Wie, Lizette Salas og Minjee Lee.

Efst eftir 1. dag Swinging Skirts er Eun-Hee Ji, frá S-Kóreu, en hún lék á 6 undir pari, 66 höggum og hefir 3 högga forystu á þær 3 sem næstar koma, þ.e. Ariyu Jutanugarn frá Thaílandi; Sei Young Kim frá S-Kóreu og Megan Khan frá Bandaríkjunum.

Ólafía á rástíma kl. 9:21 að taíwönskum tíma (kl. 1.21 í nótt að íslenskum tíma.

Hægt er að fylgjast með stöðunni á Swinging Skirts með því að  SMELLA HÉR: