Ragnheiður Jónsdóttir | janúar. 29. 2018 | 07:30

LPGA: Ólafía hlaut 1.2 milljónir í verðlaun f. T-26 á Bahamas!

Ólafía Þórunn „okkar“ Kristinsdóttir, íþróttamaður ársins 2017, hlaut 1.2 milljóna verðlaunatékka ($11.907) fyrir að landa 26. sætinu á Pure Silk Bahamas LPGA Classic.

Hún lék á samtals 1 undir pari, 218 höggum (77 73 68).

Ólafía deildi 26. sætinu með þeim Pernillu Lindberg frá Svíþjóð; Mirim Lee frá S-Kóreu; Ryann O´Toole frá Bandaríkjunum og Solheim Cup stjörnunni ensku Charley Hull.

Stöllurnar úr Wake Forest golfliðinu Ólafía Þórunn og Cheyenne Woods komust báðar í gegnum niðurskurð – Cheyenne var á 2 yfir pari, 221 höggi (79 72 70) og varð T-49 – Glæsilegt!

Brittany Lincicome frá Bandaríkjunum varði titil sinn, og var sigurskorið samtals 12 undir pari – en til samanburðar mætti geta þess að sigurskor Lincicome 2017 á sama velli var 26 undir pari – og sýnir það eitt hversu mikið veðrið (hvassviðri) setti strik í reikninginn á mótinu að þessu sinni!

Til þess að sjá lokastöðuna á Pure Silk Bahamas LPGA Classic SMELLIÐ HÉR: