LPGA: Ólafía fékk ísl. kr 1,3 milljónir fyrir T-48 árangur á Evían!!!

Ólafía Þórunn „okkar“ Kristinsdóttir, afrekskylfingur úr GR, hlaut $12,142.00 fyrir T-48 árangur á Evían risamótinu.

Þetta mun gróflega reiknað vera u.þ.b. 1,3 milljónir íslenskra króna.

Við þennan árangur fellur Ólafía aðeins niður á peningalistanum, en hún var í 67. sæti peningalista LPGA í síðustu viku, en fer nú í 69. sæti peningalistans.

Samtals er Ólafía Þórunn búin að vinna sér inn $187,141 (eða 19,8 milljónir íslenskra króna) í verðlaunafé það sem af er keppnistímabili LPGA).

Það sem er þó allra best er að Ólafía Þórunn deilir 78. sætinu á stigalista LPGA (þ.e. er T-78), í þessari viku, ásamt sænska kylfingnum Pernillu Lindberg, en þetta tryggir Ólafíu Þórunni áframhaldandi fullan keppnisrétt á LPGA á næsta ári.

Hún er þó ekki búin að tryggja sér fullan keppnisrétt, nema hún haldi áfram að spila svona vel eða jafnvel betur en hún er búin að gera nú undanfarið!!!

Ekki amalegt þetta á nýliðaárinu, þar sem Ólafía Þórunn er enn að venjast öllu, sem viðkemur LPGA!!!