LPGA: Nýju 8-liða móti – The International Crown – hleypt af stokkunum – Myndskeið

Þessa dagana fer fram í Orlando, Flórída, PGA sölusýningin.

LPGA kynnti þar nýja liðakeppni The International Crown, þar sem 4-manna lið frá 8 þjóðum, munu keppa um heimstitilinn, líkt og í Solheim Cup, nema þátttakendur eru ekki bara frá Evrópu og Bandaríkjunum og lið með kylfingum eins og Yani Tseng og Na Yeon Choi fá að keppa, þ.e. lið frá Suður-Kóreu og Taíwan.  Na Yeon Choi segir m.a. í myndskeiði, sem fylgir með hér að neðan að hún hafi alltaf verið öfundsjúk að fylgjast með Solheim Cup, en nú fengju hún og fleiri kylfingar, sem stæðu utan við þá keppni, sína eigin.

Mótið fer fyrst fram 24.-27. júlí í Caves Valley í Owings Mills, Md., á næsta ári, 2014. Árið 2016 fer mótið síðan fram í Rich Harvest Farms í Illinois, þar sem Solheim Cup 2009 var haldið. Michael Whan framkvæmdastjóri LPGA sagði óvíst á þessari stundu hvort mótsstaðir yrðu utan Bandaríkjanna.

Engir fyrirliðar fara fyrir liðunum 8 en kylfingarnir keppa um  $1.6 million. Sérhver keppandi sigurliðsins hlýtur $100,000.  Ekkert var gefið upp um styrktaraðila keppninnar.

Til þess að sjá kynningu á International Crown SMELLIÐ HÉR:

Til þess að sjá viðbrögð Na Yeon Choi og IK Kim við The International Crown SMELLIÐ HÉR: