LPGA: Moriya Jutanugarn leiðir eftir 2. hring á lokaúrtökumóti LPGA

Dagana 28. nóvember – 2. desember 2012 fer fram lokaúrtökumót LPGA (þ.e. 3. stig Q-school LPGA). Spilað er á LPGA International golfvellinum í Daytona Beach, Flórída og leikið á tveimur völlum þ.e. Champions og Legends golfvöllunum.

Þátttökugjaldið er býsna hátt eða $ 2.500 (300.000 íslenskar krónur) kostar það að fá að spreyta sig á þessu 5 hringja úrtökumóti þar sem aðeins 40 efstu og þeim sem jafnar eru í 40. sæti er tryggt sæti á LPGA mótaröðinni keppnistímabilið 2013.  Allar hinar sem þátt taka í lokaúrtökumótinu fá spilarétt á Symetra Tour, sem er stökkpallurinn inn á LPGA – líkt og LET Access á Evrópumótaröð kvenna.

Þegar tveir hringir hafa verið leiknir á lokaúrtökumóti LPGA 2013 er 18 ára stúlka frá Thaílandi efst; Moriya Jutanugarn.  Hún er búin að spila hringina tvo á 10 undir pari, samtals 134 höggum (68 66).

Í 2. sæti er bandaríska stúlkan Lacey Agnew, 3 höggum á eftir Jutanugarn, á samtals 7 undir pari, 137 höggum (70 67).

Í 3. sæti er síðan Christina Kim, sem greinst hefir með þunglyndi, en eina ástæðu þess nefnir hún að þurfa í fyrsta skipti á ferlinum að fara í Q-school, en Golf1 hefir einmitt undanfarna daga verið að birta grein Golf Digest Women um þunglyndi meðal íþróttamanna og í 2 síðustu hlutunum, sem birtast í dag og á morgun er einmitt viðtal við Christinu.  Það er gott til þess að vita að henni gengur a.m.k. þrátt fyrir veikindi sín vel í  þessu mjög svo stressþrungna lokaúrtökumóti – en hún er í 3. sæti!!!  Christina er á samtals 5 undir pari, 139 höggum (72 67).

Fjórða sætinu deila síðan Kim Welch (68 72) frá Bandaríkjunum og Ayako Uehara (70 70) frá Japan á samtals á 4 undir pari, 140 höggum, hvor.

Til þess að sjá stöðuna í heild eftir 2. dag lokaúrtökumóti LPGA í Flórída SMELLIÐ HÉR: