LPGA: Moriya Jutanugarn fékk ás á 2. degi í Texas!

Moriya Jutanugarn frá Thaílandi fékk ás á 2. hring Volunteers of America Texas Shootout presented by JTBC.

Ásinn kom á par-3 13. brautinni á Las Colinas Country Club í Irving, Texas, þar sem mótið fer fram.

Við höggið góða notaði Moriya 9-járn.

„Ég reyndi að hitta beint aá pinnann og ég get slegið býsna beint þannig að ég vissi að hann færi nálægt. Ég var heppin en þetta var líka gott högg,“  sagði Moriya himinlifandi með að hafa farið holu í höggi.

Moriya átti hring upp á 5 undir pari, 66 högg og er sem stendur T-4 í mótinu.

„Ég hef verið að spila býsna stöðungt og átti fullt af góðum höggum. Ég er ansi ánægð með hringinn í dag (gær – 28. apríl 2017)“ sagði Moriya loks.