LPGA: Momoko Ueda sigurvegari Mizuno Classic

Það var japanska stúlkan Momoko Ueda, sem sigraði á Mizuno Classic mótinu í Japan.  Hún spilaði hringina 3 á samtals -16 undir pari (67 64 69) líkt og Shashan Feng frá Kína (68 67 65).

Það kom því til umspils á milli Momoko og Shashan, þar sem heimakonan, Momoko, hafði betur með fugli á 3. holu umspils.

Þetta er í 2. sinn sem Momoko sigrar á Mizuno Classic, en fyrra skiptið var 2007. Fyrir sigur sinn hlaut Momoko $ 180.000,-

Hér má sjá myndbandsupptöku af Momoko á 2. hring sínum í mótinu, þar sem hún var á 64 högga glæsiskori. Sérlega glæsilegur á þeim hring var fuglinn sem hún fékk á 18. braut með chippi beint ofan í holu.  Til þess að sjá myndskeiðið smellið HÉR:

Í 3. sæti var sú sem átti besta hring dagsins á Kintetsu Kashikojima golfvellinum , 64 högg og var 1 höggi frá því að taka þátt í umspilinu var Na Yeon Choi frá Suður-Kóreu (69 68 64).

Catriona Matthew frá Skotlandi (67) og Teresa Lu frá Taíwan (67) deildu  4. sæti á -13 undir pari, og bandarísku stúlkurnar Stacy Lewis (65) og Mina Harigae (69) voru höggi á eftir ásamt Sakura Yokomine (70), frá Japan.

Til þess að sjá skor eftir 3. og lokadag Mizuno Classic smellið hér: ÚRSLIT