LPGA: Lexi sigraði í Mexíkó!

Það var hin 18 ára Lexi Thompson sem vann nú fyrir skömmu 3. titil sinn á LPGA mótaröðinni á Lorenu Ochoa Invitational á golfvelli Guadalajara Country Club í Guadalajara, Mexíkó.

Lexi, sem er nr. 14 á Rolex-heimslista kvenna, vann mótið á samtals 16 undir pari, 272 höggum (72 64 67 69) og nokkuð ljóst að hún mun hækka á heimslistanum.

Í 2. sæti varð nr. 3 á Rolex-listanum, Stacy Lewis, á samtals 15 undir pari.

Mikil keppni var milli Lexi og Stacy á lokahringnum, en um Stacy sagði Lexi m.a. eftir að sigurinn var í höfn:

„Stacy er ótrúlegur kylfingur. Ég vissi að hún gat gert atlögu að mér hvenær sem er á hringnum. Þegar hún saxaði 2 högg á mig ég held á 12. þá vorum við jafnar. Ég vissi að ég yrði að fá fugla þarna, því ef hún dettur í stuð þá er ekkert sem stoppar hana.“

Í 3. sæti varð So Yeon Ryu frá Suður-Kóreu, á samtals 13 undir pari.

Í 4. sæti varð svo nr. 1 á Rolex-listanum Inbee Park á samtals 11 undir pari og 5. sætinu deildu þær Suzann Pettersen  (nr. 2 á Rolex-heimslistanum) og Pornanong Phatlum, frá Thaílandi, sem leiddi eftir 1. mótsdag.

Af ofangreindu sést að Lexi hafði betur en 3 bestu kvenkylfingar heims – glæsilegt frá þessari ungu stúlku frá Coral Springs í Flórída!!!

Til þess að sjá lokastöðuna á Lorena Ochoa Invitational SMELLIÐ HÉR: