LPGA: Ko í hættu að komast ekki g. niðurskurð á Opna skoska

Fyrrum nr. 1 á Rolex heimslista kvenkylfinga,  Lydia Ko, er í hættu að komast ekki í gegnum niðurskurð á Opna skoska eftir slælega byrjun á 2. hring, í dag, á þessu móti sem á ensku nefnist  Aberdeen Asset Management Scottish Ladies Open og fer fram á Dundonald linksarnum í Skotlandi.

Hin 20 ára Ko hóf daginn fyrir innan við spánna um hvar niðurskurðarlínan yrði, eftir að hafa verið á 2 yfir pari, 74 höggum á 1. hring. Þar fékk hún 1 fugl og 3 skolla. Hún var inni.

Annar hringur Ko er hins vegar, það sem af er, afleitur. Það gengur allt á afturfótunum.  Hún er eftir 11 holu spil þegar komin með 5 skolla og 1 skramba, er 7 yfir pari, sem er óvanalegt að sjá.

Samtals er Ko því núna á 9 yfir pari…. og í mikilli hættu að komast ekki gegnum niðurskurð – reyndar er hún úti skv. öllum spám … og það á móti sem átti að efla sjálfstraust hennar fyrir Ricoh Opna breska kvenrisamótið!!!

Sem stendur er Ólafía Þórunn „okkar“ T-28 þ.e. deilir 28. sætinu eftir hring upp á 1 yfir pari, 73 högg og er inni þ.e. keppir um helgina takist henni að forðast að fylgja fordæmi Ko. Hins vegar ber á það að líta að Ólafía Þórunn hefir ekki hafið 2. hring – Hún fer út kl. 13:15 að staðartíma í Skotlandi – sem er 12:15 hér heima á Íslandi). Vonandi að allt gangi vel hjá Ólafíu!!!

Fylgjast má með stöðunni á Opna skoska með því að SMELLA HÉR: