Ragnheiður Jónsdóttir | nóvember. 22. 2021 | 18:00

LPGA: Jin Young Ko – leikmaður ársins á LPGA – sigraði á CME Group Tour meistaramótinu

Það var Jin Young Ko, sem stóð uppi sem sigurvegari á móti vikunnar á LPGA mótaröðinni: CME Group Tour Championship.

Sigurskor Ko var 23 undir pari, 265 högg (69 – 67 – 66 – 63).

Í 2. sæti, aðeins 1 höggi á eftir varð hin japanska Nasa Hataoka.

Með sigrinum tryggði Ko sér titilinn „leikmaður ársins“ (ens.: Player of the Year), sem hún keppti um við Nelly Korda, sem varð í 5. sæti í mótinu. Þetta er í 2. sinn, sem Ko hlýtur þann titil, en hún var einnig „leikmaður ársins“ á LPGA 2019.

Eins hlaut Ko hæsta verðlaunafé, sem veitt er í kvennagolfinu 1,5 milljón bandaríkjadala fyrir sigurinn á CME.

Jin Young Ko er fædd 7. júlí 1995 og því 26 ára. Hún hefir á ferli sínum sigrað 12 sinnum á bandaríska LPGA (þarf af 5 sinnum á þessu ári, 2021). Eins hefir hún sigrað 12 sinnum á kóreanska LPGA (KPGA) og sömuleiðis á hún 1 sigur á LET í beltinu.  Alls hefir hún sigrað 23 sinnum á atvinnumannsferli sínum, en hún gerðist atvinnumaður í golfi 2013.  Ko hefir tvívegis sigrað á risamótum; báðir sigrarnir komu 2019, annar á Evían hinn á Ana Inspiration.

Til þess að sjá lokstöðuna á CME Group Tour Championship SMELLIÐ HÉR:

Í aðalmyndaglugga: Jin Young Ko frá S-Kóreu, með verðlaunagripi, sem hún hlaut fyrir sigur á CME og fyrir að hljóta heiðurstitilinn „leikmaður ársins 2021″ á LPGA