LPGA: Hee Young Park sigraði CME Group Titleholders

Það var Hee Young Park sem sigraði á CME Group Titleholders mótinu, sem fór fram nú um helgina í Grand Cypress Resort í Flórída. Hee Young spilaði á samtals -9 undir pari. þ.e. 279 höggum (71 69 69 70). Þar með hlaut hún $ 500.000,- sigurtékka.

Í 2. sæti, tveimur höggum á eftir Hee Young voru þýska W-7 módelið Sandra Gal og „bleiki Pardusinn“ alías Paula Creamer, báðar á -7 undir pari samtals hvor.

Fjórða sætinu deildu Suzann Pettersen frá Noregi og hin kóreanska Na Yeon Choi á samtals -6 undir pari hvor.

Til þess að sjá úrslitin á CME Group Titleholders mótinu, smellið HÉR: