LPGA: Flott byrjun hjá Ólafíu Þórunni á Bahamas T-37 e. 1. dag

Ólafía Þórunn Kristinsdóttir, atvinnukylfingur úr GR byrjaði stórglæsilega á LPGA mótaröðinni í gær, en fyrsta mótið sem hún tekur þátt í er Pure Silk Bahamas mótið.

Ólafía lék 1. hring á 2 undir pari, 71 höggi fékk 4 fugla 12 pör og 2 skolla og er T-37 þ.e. jöfn 12 öðrum kylfingum í 37. sæti. Meðal þeirra sem léku líkt og Ólafía á 2 undir pari eru kanadíska stjarnan Brooke Henderson og Belen Mozo frá Spáni.

Ólafía var með vikonu sinni Cheyenne Woods, frænku Tigers í ráshóp og Natalie Gulbis, sem er frægari fyrir að hafa gert út á kynþokka en góða frammistöðu í golfi, en Natalie er nú í einu af neðstu sætunum af öllum þátttakendum í mótinu þ.e. 105. sæti; lék á 5 yfir pari, 78 höggum – Woods er á sléttu pari og T-71.

Niðurskurður er miðaður við 1 undir pari og dansar Cheyenne því á niðurskurðarlínunni og er undir henni sem stendur.  Efst í mótinu er Solheim Cup stjarnan bandaríska frá Flórída, Brittany Lincicome, en hún lék á 9 undir pari, 64 höggum, sem er mótsmet, en hún er með 2 högga forystu á þær sem næst koma; Megan Khang frá Bandaríkjunum og P.K. Kongkraphan frá Thaílandi en þær léku báðar á 7 undir pari, 66 höggum.

Spennandi að fylgjast með Ólafíu Þórunni í dag.

Sjá má stöðuna eftir 1. dag á Pure Silk mótinu með því að SMELLA HÉR: