LPGA: Evían risamótið stytt í 54 holu mót – 1. hringur strokaður út

Vegna mikilla rigningar, vinds og blauts ástands vallar hefir öllum leik, sem átti sér stað á 1. hring, í dag, fimmtudaginn 14. september, verið aflýst.

Vegna hugsanlegs slæms veðurs næstu daga hefir The Evian Championship risamótið verið stytt í 54 holu mót.

„Þó þetta sé ekki ákvörðun sem var auðveld, þá trúum við því að þetta sé rétta ákvörðunin – til þess að fram fari réttlátasti, samkeppnishæfasti viðburður fyrir alla kylfinga í þessu móti,“ sagði framkvæmdastjóri LPGA, Mike Whan.

„Við erum ánægð og hvött áfram af því hversu vel vallarstarfsmenn eru að höndla veðrið, og völlurinn ætti að vera góður í önnur frábær Evían mótslok.“

Hringur nr. 1 hefst á morgun föstudaginn, kl. 7:45 að staðartíma (kl. 5:45 að íslenskum tíma). Sömu rástímar og upphaflega voru birtir munu gilda fyrir föstudaginn 15. september og sömu rástímar og áður voru auglýstir jafnframt gilda fyrir 2. hring, laugardaginn 16. september.

Eftir 2 hringja leik mun verða skorið niður og efstu 70 kylfingar og þeir sem jafnir eru í 70. sæti, af þeim 144 sem hefja leik munu spila 3. og lokahringinn.

Mótinu var fyrst frestað kl. 10:04 að staðartíma (kl. 8:04 hér heima á Íslandi) til kl. 13:05 (kl. 11:05 hér á Íslandi) og síðan aftur til kl. 16:00 að staðartíma í Frakklandi (sem er til kl. 14:00 hér heima), en eftir það var framangreind ákvörðun um styttingu Evían risamótsins í 54 holu mót tekin.

Ólafía Þórunn fer því ekki út fyrr en kl. 13:09 að frönskum staðartíma (11:09 að íslenskum tíma)!!!