LPGA: Catriona Matthew í forystu í Mexíkó

Það er hin skoska Catriona Matthew sem leiðir fyrir lokahring Lorena Ochoa Invitational, Presented by Banamex, Jalisco – It happens within you mótsins, sem fram fer í heimabæ fyrrum nr. 1 í heiminum (Lorenu Ochoa), Guadalajara í Mexíkó. Catriona kom inn á 68 höggum, fékk 5 fugla og 1 skolla á par-3, 17. brautinni. Samtals er Catriona búin að spila á -11 undir pari, þ.e. samtals 205 höggum (69 68 68). Hún er með 3 högga forystu fyrir lokahringinn, sem spilaður verður í dag.

Catriona Matthew frá Skotlandi

Í 2. sæti er Suzann Pettersen á -8 undir pari (67 70 71) og í 3.  sæti eru IK Kim og Anna Nordqvist á -7 undir pari. Í 5. sæti er síðan Juli Inkster, sem búin er að leiða mestallt mótið á -6 undir pari og í 6. sæti á -5 undir pari er hin japanska Ai Miyazato, sem er í miklu uppáhaldi hjá Lorenu Ochoa, en fremur hljótt hefir verið um í ár.

Til þess að sjá stöðuna eftir 3. dag Lorena Ochoa Invitational smellið HÉR: