LPGA: Amy Yang leiðir eftir 1.dag Kraft Nabisco Championship

Í dag hófst á Mission Hills golfvellinum í Rancho Mirage eitt risamót kvennagolfsins: Kraft Nabisco Championship. Eftir fyrsta dag er það Amy Yang frá Suður-Kóreu sem tekið hefir forystu. Amy spilaði á -6 undir pari, 66 höggum.

Í 2. sæti er Lindsay Wright frá Ástralíu, sem spilaði á -5 undir pari, 67 höggum.

Í 3. sæti er nr. 1 á heimslista kvenna, Yani Tseng, á -4 undir pari, 68 höggum.

Enn eiga nokkrar eftir að ljúka leik, en engin sem náð getur ofangreindum 3 forystukonum 1. dags.

Enski áhugamaðurinn 16 ára, Charley Hull, sem er að fórna þátttöku sinni í Curtis Cup til þess að geta spilað á fyrsta risamóti sínu gengur vel, spilaði  á -1 undir pari 71 höggi á þessum 1. degi mótsins. Sjá má nýlega grein Golf1.is um Charley Hull HÉR: 

Bandaríska stúlkan Stacy Lewis, sem á titil að verja, gekk illa, spilaði á +2 yfir pari, 74 höggum og þarf aldeilis að bæta sig á morgun ætli hún sér að ná niðurskurði.

Til þess að sjá stöðuna eftir 1. dag á Kraft Nabisco í heild, smellið HÉR: