LPGA: Ai Miyazato og Yani Tseng efstar eftir 3. dag RR Donnelley LPGA Founders Cup

Það eru fyrrum nr. 1 á Rolex heimslista kvenkylfinga, Ai Miyazato, frá Japan og núverandi nr. 1 Yani Tseng frá Taiwan sem deila 1. sætinu fyrir lokahring RR Donnelley LPGA Founders Cup, sem spilaður er á golfvelli Wildfire golfklúbbsins í JW Marriott Desert Ridge Resort í Phoenix, Arizona. Báðar eru búnar að spila á -14 undir pari, Ai (68 68 66) og Yani (65 70 67).

Þrjár stúlkur frá Suður-Kóreu koma eru í næstu 3 sætum: Na Yeon Choi er í 3. sæti á samtals -13 undir pari; IK Kim er í 4. sæti á samtals – 11 undir pari og í 5. sæti er Inbee Park á -10 undir pari.

Cristie Kerr og Paula Creamer eru síðan í hópi 7 kylfinga sem deila 6. sætinu (þ.e. eru T-6) en allar eru þær búnar að spila á -9 undir pari og munar því 5 höggum á þeim og Ai og Yani.

Það stefnir í hörkuspennandi keppni í kvennagolfinu á RR Donnelley LPGA Founders Cup.

Til þess að sjá stöðuna á RR Donnelley LPGA Founders Cup eftir 3. dag smellið HÉR: