Ragnheiður Jónsdóttir | mars. 15. 2013 | 02:00

LPGA: Ai Miyazato efst eftir 1. hring 2013 RR Donnelley LPGA Founders Cup

Mót vikunnar á LPGA er RR Donelley  LPGA Founders Cup, en það hófst nú í kvöld á golfvelli Wildfire golfklúbbsins í Phoenix, Arizona.

Í efsta sæti eftir 1. dag er fyrrum nr. 1 á Rolex-heimslista bestu kvenkylfinga, Ai Miyazato frá Japan.

Ai spilaði á glæsilegum 9 undir pari, 63 höggum; skilaði flottu „hreinu“ skorkorti með 1 erni, 7 fuglum og 10 pörum.

Í 2. sæti aðeins 2 höggum á eftir Ai er Jee Young Lee frá Suður-Kóreu, á 7 undir pari, 65 höggum.

Þriðja sætinu deila síðan 4 kylfingar sem allar voru á 6 undir pari, 66 höggum: Gerina Piller og Brittany Lang frá Bandaríkjunum, Pornanong Phatlum frá Thaílandi og fyrrum W-7 módelið, Sandra Gal frá Þýskalandi.

Lexi Thompson, Jiyai Shin og hin nýgifta Kathrine Hull-Kirk deila síðan 7. sætinu; allar á 5 undir pari, 67 höggum.

Til þess að sjá stöðuna á RR Donnelley LPGA Founders Cup SMELLIÐ HÉR: