LPGA: Ai Miyazato efst á Honda LPGA Thaíland 2012 eftir 1. dag

Það er hin japanska Ai Miyazato, sem leiðir eftir 1. dag Honda LPGA Thailand 2012 mótsins, en það byrjaði fyrr í morgun í Siam Country Club, í Chonburi. Spilað er á Pattaya Old Course.  Ai kom inn á 67 höggum, spilaði skollafrítt og fékk 5 fugla. Í 2 sæti eru 5 kylfingar allar á 68 höggum aðeins 1 höggi á eftir forystukonunni.Þetta eru: Anna Nordqvist frá Svíþjóð, Karrie Webb frá Ástralíu og síðan 3 stúlkur frá Suður-Kóreu: Se Ri Pak, Na Yeon Choi og Amy Chang.

Sjöunda sætinu deila þær Christel Boeljon, frá Hollandi, sem sigraði nú nýverið á RACV Australian Ladies Masters og sú sem vann Q-school LPGA s.l. desember, heimakonan Numa Gulyanamitta. Þær voru á 69 höggum, -3 undir pari.

Hin norska Suzann Pettersen var á -2 undir pari, spilaði á 70 höggum og er T-9 ásamt 8 öðrum. Hin sænska Maria Hjorth er í hópi 8 kylfinga sem allar voru á -1 undir pari, 71 höggi og eru T-18.

Caroline Hedwall og Paula Creamer voru líkt og 8 aðrar á parinu og eru T-26.

Loks eru Lexi Thompson og nr. 1 í kvennagolfinu Yani Tseng meðal 7 kylfinga sem deila 36. sætinu voru að spila á 73 höggum, þ.e. +1 yfir pari, en Yani á titil að verja.

Til þess að sjá stöðuna á Honda LPGA Thaíland 2012 eftir 1. dag, smellið HÉR: