LIV: Pat Perez nýjasti kylfingurinn á arabísku ofurgolfmótaröðinni

Pat Perez er nýjasti kylfingurinn, sem gengur til liðs við LIV, arabísku ofurgolfmótaröðina.

Perez er fæddur 1. mars 1976 og er því 46 ára.

Allt í allt hefir Perez unnið sér inn u.þ.b. $ 30 milljónir á PGA Tour í verðlaunafé og getur nú á efri árum enn bætt þar við.

Perez gerðist atvinnumaður í golfi 1997 og hefir á ferli sínum sigrað 3 sinnum á PGA Tour, 1 sinni á Korn Ferry og 1 sinni á Asíutúrnum.  Hann hefir verið á PGA Tour frá árinu 2001.

Það olli nokkru uppnámi að eiginkona Pat, Ashley, greindi frá því á félagsmiðlum að eiginmaður hennar væri á leið til LIV áður en hann var formlega búinn að tilkynna um það.

Perez er sagður hafa fengið $10 milljónir til þess að ganga til liðs við LIV og mun verða með í næsta móti LIV í Portland í Bandaríkjunum, en mótið þar fer fram í Pumpkin Ridge golfklúbbnum 1.-3. júlí n.k.

Sjá má viðtal við Pat Perez um ákvörðun hans að ganga til liðs við LIV með því að SMELLA HÉR: