LIV: 3.2 milljónir horfðu á útsendingu frá 1. mótinu í Mexíkó

Því hefir verið haldið fram að ekkert áhorf sé á mót LIV golfmótaraðarinnar.

Það er nú ekki svo.

Helgina, 23.-26. febrúar sl., sem 1. mót LIV mótaraðarinnar á þessu ári fór fram á Mayakoba, í Mexíkó horfðu 3.2 milljónir á keppnina á CW Network á öllum línulegum og stafrænum kerfum. Þetta var jafnframt í fyrsta skiptið sem sjónvarpað var frá móti á LIV.

„Fyrsta helgin okkar í beinni útsendingu fyrir LIV Golf tímabilið 2023 fór fram úr væntingum,“ sagði Will Staeger, fjölmiðlafulltrúi LIV Golf m.a.. „Þetta var frumraun LIV golfdeildarinnar á CW, CW appinu og mest sótta ókeypis íþróttaappi helgarinnar, LIV Golf Plus.“

Að meðaltali var meira línulegt áhorf á opnunarmót LIV (537.000) en til samanburðar leik í bandarísku íshokkídeildinni, (373.000) sem sýnt var frá á ESPN og TNT (en deildin er 105 ára í ár) og meðaláhorf á Australian Open Men’s Final á ESPN (439,000) eða meðaláhorf á ABC og ESPN á 2022 Major League Soccer (343.000), en þeirri deild var hleypt af stokkunum árið 1996. Hér eru líka aðeins taldir áhorfendur í Bandaríkjunum.