Lið Íslands varð í 8. sæti á Octagonal Match

Sex íslenskir kylfingar á aldrinum 17-23 ára hófu keppni þriðjudaginn 23. janúar á 1st Octagonal Match mótinu.

Mótið fór fram á Costa Ballena á Spáni og lauk í gær, 26. janúar 2018.

Ísland var í riðli með Þýskalandi, Spáni og Englandi í riðli. Í hinum riðlinum voru Holland, Ítalía, Finnland og Tékkland en þjálfari Tékka er Staffan Johansson, fyrrum landsliðsþjálfari Íslands.

Jussi Pitkanen afreksstjóri GSÍ var með kylfingunum á Costa Ballena.

Í liði Íslands voru eftirfandi kylfingar: Henning Darri Þórðarson (GK), Vikar Jónasson (GK).
Tumi Hrafn Kúld (GA), Hlynur Bergsson (GKG), Hákon Örn Magnússon (GR) og Jóhannes Guðmundsson (GR).

Skemmst er frá því að segja að lið Íslands tapaði öllum viðureignum sínum; fyrst fyrir Þjóðverjum 5,5-3,5, síðan Englandi 6,5-2,5 og fyrir Spáni 8-1.

Í gær fór fram leikur um 7. sætið og varð lið Íslands að lúta í lægra haldi fyrir liði Ítala 5-4 og hafnaði því í 8. sæti.

Í 1. sæti varð sterkt lið heimamanna, Spánverja; í 2. sæti urðu þeir sem töpuðu úrslitaleiknum, lið Hollendinga og í þriðja sæti lið  Englands, sem vann Finna í leik um 3. sætið.

Sjá má úrslitin í öllum úrslitaleikjunum með því að  SMELLA HÉR: