Ryder Cup lið Evrópu 2012 – Kraftaverkaliðið sem sigraði í Medinah!!!
Ragnheiður Jónsdóttir | mars. 13. 2013 | 07:00

Lið Evrópu í Ryder Cup 2012 valið Laureus heimslið ársins

Bandaríkjamenn þörfnuðust aðeins 4½ stiga í 12 tvímenningsleikum sunnudagsins á Medinah golfvellinum í Chicago, en það var lið Evrópu undir forystu  José María Olazábal,  sem vann 8 sigra og náði að halda jöfnu í 9 leiknum og hafði betur í  14½-13½ sigri.

Hin virtu Laureus heimslið ársins verðlaun voru veitt þeim Ian Poulter  og liðsfélögum hans Nicolas Colsaerts, Peter Hanson, Paul Lawrie og Francesco Molinari í gær, en þeir voru fulltrúar Ryder Cup liðs Evrópu.

Ian Poulter sagði m.a., „Við færum Laureus þakkir.  Þetta hefir heilmikla þýðingu fyrir alla í Ryder Cup liðinu. Þar sem goðsagnir íþróttanna hafa valið okkur þá er sérstakt að halda á bikarnum.“

Poulter þakkaði liðsandanum og samstöðu liðsins sigurinn. „Ef horft er á þá sést að við urðum undir ansi illa á föstudeginum og á laugardagsmorgninum. Við urðum að snúa einhverju við og allir í liðinu gátu grafið djúpt innra með sér og gefið þetta auka sem þarf. Að sigra í Ryder Cup í þeirri stöðu sem við vorum í, er ansi sérstakt.“

Til þess að sjá sigurvegara Laureus-verðlaunanna í ár smellið á eftirfarandi tengil: LAUREUS.COM