Lið Breta & Íra vann Curtis Cup

Lið Breta & Íra sigraði í liðakeppni áhugakvenkylfinga, Curtis Cup nú um helgina með 10 1/2 vinningi gegn 9 1/2 vinningi bandaríska liðsins.

Sigurlið Breta & Íra í Curtis Cup

Í fyrsta sinn í sögu golfíþróttarinnar eru því allir helstu titlar í aðalliðakeppnum atvinnumanna og áhugamanna í golfíþróttinni í höndum Bretlands & Írlands eða Evrópu.  Ekki einn bikar í Bandaríkjunum!!!

Sigur bresku&írsku stúlknanna í Curtis Cup var sérlega glæsilegur því þær þurftu að vinna 5 af 8 í tvímenningsleikjunum á sunnudaginn.  Það var Stephanie Meadow sem færði liði Breta&Íra úrslitastigið í lokin með því að hafa betur gegn bandarísku stúlkunni Amy Anderson.

Í Evrópu eru því bikarar Curtis og Walker Cup auk Ryder bikarsins og Solheim bikarsins.

Erum við í Evrópu góð í golfi eða hvað?