LET: Yani Tseng sigraði á Suzhou Taihu Open

Yani Tseng er óstöðvandi.  Hún sigraði á Suzhou Taihou Open mótinu, í Suzhou í Kína,var sú eina sem spilaði alla hringi sína undir 70 (68 66 66) og var því á samtals 200 höggum, – 16 undir pari. Hún spilaði skollafrítt, fékk 6 fugla, á 3. og síðasta hring mótsins í dag. Þetta er 11. sigur hennar 2011.  Tseng er sannkölluð töfradís!

Yani átti 7 högg á þá sem næst kom, fyrrum skólafélaga Eygló Myrru, Pernillu Lindberg, sem var samtals á -9 undir pari, á samtals 207 höggum (72 65 70) og varð í 2. sæti.

Þriðja sætinu deildu sigurvegarinn frá því í fyrra Lee-Anne Pace frá Suður-Afríku og Melissa Reid frá Englandi, báðar á -8 undir pari, samtals 208 höggum; Lee Anne (68 70 70) og Melissa (71 69 68).

Caroline Hedwall gekk ekki vel á síðasta hringnum, var á 72 höggum og lauk keppni með því að deila 9. sætinu með þeim Nontayu Srisawang, Giuliu Sergas og Ulriku Wikstrom á samtals 210 höggum, heilum 10 höggum á eftir Yani.

Til þess að sjá úrslitin á Suzhou Taihu Open í heild smellið HÉR: