Ragnheiður Jónsdóttir | júlí. 29. 2013 | 07:45

LET: Webb sigurvegari á European Masters

Golfdrottninginn ástralska Karrie Ann Webb sigraði á ISPS Handa Ladies European Masters, sem fram fór dagana 26.-28. júlí 2013 í Buckinghamshire golfklúbbnum í Denham, Buckinghamshire í Englandi. Þetta er í 2. sinn sem Karrie sigrar á móti LET.

Webb vann með skor upp á samtals 16 undir pari, 200 höggum sléttum (68 67 65) í móti þar sem leikur hennar fór síbatnandi með hverjum hringnum.

Webb, sem fædd er 21. desember 1974 og er því á 39. árinu gerðist atvinnumaður 1994 þ.e. fyrir tæpum 20 árum og hefir á atvinnumannsferli sínum sigrað í 56 mótum, þar af 39 á LPGA og og 12 á ALPG mótaröðinni áströlsku. Webb er í 11. sæti yfir þær sem sigrað hafa oftast á LPGA.  Árið 1995 vann hún fyrra mót sitt á Evrópumótaröðinn en það var ekkert smámót  Opna breska risamótið, en Karrie er ein þeirra kvenna, sem sigrað hefir í öllum risamótum.

Í 2. sæti aðeins 1 höggi á eftir varð Ashleigh Simon frá Suður-Afríku á samtals 15 undir pari, 201 höggi (63 69 69).

Til þess að sjá úrslitin á ISPS Handa Ladies European Masters SMELLIÐ HÉR: