LET: Shanshan Feng og Diana Luna efstar á World Ladies Championship eftir 1. dag

Í dag hófst á Mission Hills Hainan Vintage golfvellinum í Haiku, Kína, World Ladies Championship. Í efsta sæti eftir 1. dag eru ítalska stúlkan Díana Luna og heimakonan kínverska, Shanshan Feng.

Diana Luna. Auk verðlauna fyrir golfið er keppt um hver sé mest smart og kemur Díana þar sterkt inn... enda ítölsk!

Báðar spiluðu forystukonur 1. dags á -6 undir pari, 66 höggum. Shanshan fékk 7 fugla og 1 skolla en Díana fékk hins vegar 1 örn, 7 fugla og 3 skolla.

Hin kínverska Shanshan Feng.

Einu höggi á eftir í 3. sæti eru 4 stúlkur: hin franska Anne Lise Caudal, Candie Kung frá Taíwan, Beth Allen frá Bandaríkjunum og Rebecca Codd frá Írlandi.

Sjöunda sætinu deilir annar hópur 4 stúlkna, allar á 68 höggum en þ.á.m er hin sænska Carin Koch.

Í 11. sæti eru 5 stúlkur, allar á 69 höggum, þ.á.m. enska stúlkan Florentyna Parker.

Auk einstaklingskeppni fer fram liðakeppni og leiða kínversku stúlkurnar þar; þær Shanshan Feng og Li Ying Ye.

Við verðlaunaafhendingu í lokin verða veitt sérstök verðlaun bæði í einstaklings- og liðakeppni um hver sé mest smart eða chic upp á frönsku.  Díana Luna kemur þar sterkt inn!

Til þess að sjá stöðuna eftir 1. dag á World Ladies Championship smellið HÉR: